Улсын аварга малчин, улсын хошой аварга малчин, улсын аварга саальчин, улсын аварга фермер, улсын аварга тариаланч, улсын аварга тариаланч хамт олныг Засгийн газраас шалгаруулсан байна. 
 
Энэ жил 21 аймгийн 170 сумын 195 багаас улсын аварга малчинд 208, улсын хошой аварга малчинд 20, улсын аварга саальчинд 10, улсын аварга фермерт 12 буюу нийт 250 хүнийг тодорхойлон ирүүлжээ.

Журмын дагуу 34 үзүүлэлтээр хамгийн өндөр оноо авсан

• 10 малчныг улсын хошой аварга,
• 140 малчныг улсын аварга малчин,
• зургаан саальчныг улсын аварга саальчин,
• есөн фермерийг улсын аварга фермерээр шалгаруулсан байна. 

Мөн 2022 онд тариалангийн салбарт гаргасан ажлын амжилт, орон нутгаа хөгжүүлэх үйлсэд оруулсан хувь нэмрийг нь үнэлж амжилтаараа тэргүүлсэн 12 аймгийн нийт 14 аж ахуйн нэгж, 32 иргэний тодорхойлолт, ажлын амжилтын үзүүлэлтийн талаарх материалыг хүлээн авч журмын дагуу шалгажээ. Улмаар 12 шилдэг аж ахуйн нэгжийг улсын аварга тариаланч хамт олноор, 21 иргэнийг улсын аварга тариаланчаар шалгаруулсан байна.