Дуурь бүжгийн эрдмийн театр дэлхийн сонгодог бүтээлүүдийн нэгд зүй ёсоор нэрлэгддэг А.Аданы “Жизель” балетыг шинэчилсэн тавилтаар энэ амралтын өдрүүдэд толилуулна. Энэхүү балетыг толилуулаад Улсын дуурь бүжгийн эрдмийн театр есдүгээр сар хүртэл уран бүтээл толилуулахгүй аж.  

Монголын тайзнаа тэртээ 1979 оны арванхоёрдугаар сарын 22-нд мэндэлсэн уг бүжгэн жүжиг ЗХУ-ын ардын жүжигчин Ф.Г.Кайданийн хувилбараар мэндэлж байсан түүхтэй. Үүнээс хойш 43 жил энэхүү хувилбараар тоглож 2022 оны дөрөвдүгээр сард ДБЭТ-ын ерөнхий балетмейстер Д.Дашлхагвын найруулгаар шинэчлэн тавьсан билээ.

Эхний өдөр буюу бямба гарагт Жизельд ДБЭТ-ын гоцлооч М.Нандинцэцэг гоцлох бол ням гарагийн тоглолтод Г.Нямцэрэн гоцлох юм.

Тасалбарын үнэ суудлын зэрэглэлээс хамааран 40-80 мянган төгрөгийн үнэтэй байна.