ОХУ-ын Ростов хотод найм хоногийн өмнө алга болж цагдаагийнхан эрж байсан  есөн настай охиныг олсон байна. Оросын ДХЯ-ны Ростов мужийн удирдах газрын хэвлэлийн албаны мэдээлснээр Даша Попова охиныг хотын “Алмаз” зах дээрээс олжээ. Охиныг хичээлээсээ тараад гэртээ ирж байхад нь орцны нь үүднээс Аксая хотын оршин суугч 57 настай Александр Максимов авч яван барьцаалсан  байна. Барьцаалагч, охины эцэг эхтэй холбоо барьж төлбөр нэхэхээр төлөвлөж байсан ч өнөөдөр танил бүсгүйтэйгээ уулзахаар зах дээр ирэх үеэр нь бүсгүй машины ачааны хэсэгт охин байхыг мэдээд цагдаад мэдэгдсэнээр олж илрүүлсэн байна. Сэжигтэн зугтаахыг завдсан ч тэр дор нь баривчилжээ.
Одоо охин хууль хяналтынхан болон сэтгэлзүйчдийн мэдэлд тайван байгаа юм байна.
Охиныг найм хоногийн турш цагдаагийн бие бүрэлдхүүн, сайн дурын 20 мняга орчим хүн хайж байсан юм. Эрлийн ажиллагааг цагдаагийнхан, цэргийн албан хаагчид, сайн дурынхны оролцоотой оросын бүс бүс, тэр бүү хэл Украйны нутагт ч явуулаад  олохгүй байсан юм.