Төсвийн тухай хуульд аймаг, нийслэлийн Засаг дарга тухайн шатны жилийн төсвийн төслийг жил бүрийн 11 дүгээр сарын 25-ны дотор тухайн шатны иргэдийн Төлөөлөгчдийн Хуралд өргөн мэдүүлэхээр заасан байдаг. Үүний дагуу аймгийн Засаг даргын орлогч Ц.Дэнээдорж, ЗДТГ-ын дарга Ц.Амартөгс, Санхүү төрийн сангийн хэлтсийн дарга Б.Очгэрэл, Хөгжлийн бодлого төлөвлөлт, хөрөнгө оруулалтын хэлтсийн дарга О.Эрдэнэ-Өрнөх нар Өмнөговь аймгийн 2024 оны төсвийн төслийг хуулийн хугацаанд аймгийн иргэдийн Төлөөлөгчдийн Хуралд өргөн мэдүүллээ.