Арванхоёрдугаар сард хүн бүрийн хүсэн хүлээдэг, үзэх дуртай балетуудын нэг П.И.Чайковскийн "Щелкунчик" балет юм. Анх 1892 оны арванхоёрдугаар сарын 18-нд Петербургийн Мариинский театрт үзэгчдийн хүртээл болж байсан бөгөөд манай тайзнаа 1982 онд тавигджээ.
УДБЭТ-ын хувьд өнгөрсөн 2022 онд "Щелкунчик" балетыг нийт долоон удаа толилуулж байсан. Харин энэ жил “Щелкунчик” балетаа арванхоёрдугаар сарын 9, 10, 16, 17-ны өдрүүдэд толилуулахаар болжээ. Мөн гавьяат жүжигчин Д.Алтанхуягийн тэргүүлдэг “Монголын балетын хөгжил” сангийн “Цөмөөхэй” балет арванхоёрдугаар сарын 23, 24, 25-нд УДБЭТ-ын тайзнаа гурван удаа тоглогдоно. Үүнээс гадна Олон улсын урлаг, боловсролын хөгжлийн академиас “Цөмөөч ханхүү ба хулганын хаан” нэртэйгээр энэхүү балетыг арванхоёрдугаар сарын 23, 24-нд нийт дөрвөн удаа “The Corporate Hotel and Convention Centre”-т толилуулах аж.
