Ардчилсан намын дэргэдэх Ардчилсан залуучуудын холбоо энэ сарын 18-нд хуралдаж, холбооны шинэ ерөнхийлөгчөө сонгохоор болжээ.

АН нь аймаг, нийслэл, дүүргийн намын дарга нараа, эмэгтэйчүүдийн холбооны дарга, удирдлагаа сонгож, үндсэндээ шинэ бүтэц бүрэлдэхүүнээ байгуулж дууссан. Шинэ удирдлагаа томилоогүй үлдсэн нь АЗХ юм.
АЗХ-ны ерөнхийлөгчид өрсөлдөх залуусын нэрс тодорч эхэлжээ.

МоАХ-аас Ерөнхий сайдын зөвлөх асан Б.Ган-Очир, “Open” клубын Б.Батзаяа, “Морьтон” клубын М.Амгаланбаатар нар өрсөлдөхөөр нэрээ дэвшүүлж буй аж. Маргааш нэр дэвшигчдийн албан ёсны бүртгэл болох ба өрсөлдөгчдийн тоо ч нэмэгдэх бололтой.

АН-ын Ерөнхийлөгч нь ирэх УИХ-ын сонгуулийн намын жагсаалтын дээгүүр бичигдэх боломжтой учраас ширүүн өрсөлдөөн өрнөж буй аж.