Ираны ерөнхийлөгч Махмуд Ахмадинежадын хувийн гэрэл зурагчин, оператор АНУ-гаас орогнол хүслээ гэж CNN агентлаг мэдээллээ. Энэ талаар гэрэл зурагчныг төлөөлсөн Нью-Йоркийн өмгөөлөгч Пол О’ Двайр мэдэгдсэн байна. Ерөнхийлөгчийн  хувийн оператор Хасан Голканбхан Ахмадинежадтай хамт хэдэн хоногийн өмнө НҮБ-ын ерөнхий Ассамблейн чуулганд оролцохоор Нью-Йоркт ирсэн юм. Өмгөөлөгч операторыг орогнол хүссэн хүсэлтээ Америкийн засаг захиргаанд албан ёсоор өгсөн гээд  илүү тодорхой зүйл хэлэхээс татгалзсан байна.