УБТЗ” ХНН-ийн түүхт 75 жилийн ойд зориулсан Архивын баримт бичиг, гэрэл зургийн хамтарсан үзэсгэлэнгийн нээлтийн үйл ажиллагаа энэ сарын 13-нд ОХУ-ын Москва хотын Ярославский вокзалд боллоо.
Үзэсгэлэнгийн нээлтэд Монгол Улсаас ОХУ-д суугаа Онц бөгөөд Бүрэн эрхт Элчин сайд Ө.Энхтүвшин, "Оросын төмөр замууд" НХН-ийн Ерөнхий захирлын нэгдүгээр орлогч бөгөөд "Улаанбаатар төмөр зам" ХНН-ийн Ерөнхий хорооны дарга С.А.Павлов, ОХУ-ын Архивын агентлагийн дэд дарга А.В.Юрасов, "Улаанбаатар төмөр зам" ХНН-ийн Суурь бүтэц хариуцсан орлогч дарга К.Р.Белош нар оролцож баяр хүргэж үг хэллээ.
Архивын материал, гэрэл зургийн үзэсгэлэнг "Улаанбаатар төмөр зам" ХНН байгуулагдсаны түүхт 75 жилийн ой, Төмөр замчдын мэргэжлийн баяр наадмын үеэр буюу ирэх наймдугаар сарын 2-31-ны хооронд Улаанбаатар зорчигч тээврийн төв буудалд олон нийтэд дэлгэн үзүүлнэ.
