Шанхайн хамтын ажиллагааны байгууллага /ШХАБ/-ын дээд хэмжээний чуулга уулзалт болж, Беларусь улсыг тус байгууллагын 10 дахь гишүүнээр элсүүлжээ.

Тодруулбал Казахстан улсын Астана хотноо энэ сарын 3-4-ний өдрүүдэд чуулга уулзалтыг зохион байгуулсан бөгөөд хурлын хоёр дахь өдөр Беларусь улсыг гишүүнээр элсүүлэв. 

Беларусийн Ерөнхийлөгч Александр Лукашенко гишүүнээр элссэнийгээ "түүхэн үйл явдал" хэмээн онцлов. Түүний хувьд ШХАБ-ын гишүүнээр элсэх хүсэлтийг сүүлийн 10 гаруй жилийн турш тавьсан юм. 

ШХАБ нь 2001 онд Хятад, Орос улсын хамтран байгуулсан улс төр, эдийн засаг, аюулгүй байдал, батлан ​​хамгаалахын байгууллага юм. 

Тус байгууллагын гишүүн орнууд нь ОХУ, Казахстан, Киргизстан, БНХАУ, Тажикстан, Узбекистан бөгөөд 2017 онд Энэтхэг, Пакистан, 2023 онд Иран улсууд тус тус гишүүнээр нэмэгдэж байв. 

ШХАБ-ын гишүүн орнуудын Төрийн тэргүүн нарын зөвлөлийн өргөтгөсөн хуралдаанд Монгол Улсын Ерөнхийлөгч У.Хүрэлсүх оролцсон юм.

Монгол Улс ШХАБ-ыг олон талт хамтын ажиллагаанд оролцох чухал суваг хэмээн үзэж, 2004 онд ажиглагчийн статустай болсноос хойш тус байгууллагын дээд түвшний уулзалтад тогтмол оролцож ирсэн. 

Эх сурвалж: RFE/R