Үүдэл эсийн судалгааг анхлан хийж байсан пионер эрдэмтэд 2012 оны Нобелийн анагаах ухааны шагналыг хуваан хүртэхээр боллоо. Их Британийн эрдэмтэн, профессор Жон Гардон, Японы эрдэмтэн Шинья Яманака нар нас бие гүйцсэн эсийг үүдэл эс болгон хувиргах эрдэм шинжилгээний туршилт судалгаа хийснийхээ төлөө энэ нэр хүндтэй шагналын эзэд болжээ. Профессор Гардон судалгааныхаа туршилт болгон мэлхийг клонын аргаар гарган авсан бол эрдэмтэн Яманака генийг өөрчилж, эсийг дахин программчилсан юм. Тэдний энэ нээлтийн ачаар Долли хонийг клоны аргаар төрүүлэх туршилт амжилттай болсон түүхтэй. Тэдний энэ ололт амжилт шинжлэх ухаанд хувьсгал болсон хэмээн Нобелийн хороо үнэлсэн юм. “Эдгээр эрдэмтдийн судалгаа шинжилгээний ололт амжилт нь бидний организм, эд эс хэрхэн ажиллаж, оршин байдгийг ойлгоход хувьсгал болсон. Энэ нээлтийн тусламжтайгаар дэлхий даяар анагаах ухааны олон салбарт гайхамшигт өөрчлөлт гарсан юм” хэмээн үнэлжээ.