Австрийн шүхэрчин Феликс Баумгартнер хүн төрөлхтөний түүхэнд нэгэн шинэ рекорд тогтоолоо. Тэрээр агаар мандалд 39 километрийн дээрээс чөлөөт уналт хийхдээ замаа ердөө 10 минутанд туулж, дуунаас ч хурдан байсан нь өмнө гарч байгаагүй амжилт юм. Нью-Мехико орчимд туршилт хийсэн тэрээр 1342 километр цагийн хурдтайгаар доош унажээ.
Ф.Баумгартнерыг чөлөөн уналт хийх үед шүхэр нь дэлгэгдэхгүй, тэрээр сүүлийн хэдэн мянган футыг туулж байхдаа л сая нэг ажиллуулж, амьд гарч чаджээ. Тэрээр энэ эрсдэлтэй туршилтынхаа дараа “Үнэнийг хэлэхэд тэр асар өндөрт гарсны дараа дэлхийн дээд амжилт тогтоох, шинжлэх ухааны мэдээлэл цуглуулах тухай бодох ч сөхөө байгаагүй. Зөвхөн амьд мэнд л буух юмсан гэж бодож байлаа” хэмээн ярьжээ. Хэдийгээр түүний туршилт асар их эрсдэлтэй байсан ч 2500 удаа чөлөөт уналт хийж байсан туршлагатай тамирчны хувьд аргагүй л чадвараа харуулж, хүн төрөлхтөний хүрч чадаагүй рекордыг гаргаж чадлаа хэмээн мэргэжилтнүүд шагшиж байна. Өмнө нь түүн шиг рекорд тогтоох гэсэн хүмүүс туршилтын явцдаа хүчилтөрөгч дутагдан амиа алдаж байсан тохиолдол цөөнгүй. 
Дууны хурд нь 340,29 м/с байдаг билээ.
