Засгийн газрын өнөөдрийн ээлжит хуралдаанаар төрийн нууцад хамаарах мэдээллийг ил болгох тогтоолыг баталлаа.
Ингэснээр Гашуунсухайт-Ганцмод төмөр замын хил холболт болон Чайна энержитэй байгуулсан нүүрс худалдах, худалдан авах гэрээнүүд ил болж байна. 
 

Монгол Улсын гурав дахь Ерөнхийлөгч Н.Энхбаяр, Нүүрс худалдах, худалдан авах гэрээнд 2025-2029 онд 27 сая тонн 2030 оноос эхлэн жил болгон 20 сая тонноос бууруулахгүй, нийт 247 сая тонн нүүрс борлуулахаар заасан. 
Гэрээнд нийт нүүрсний 50-иас доошгүй хувийг коксжих нүүрс нийлүүлэхээр заасан ба чулуун нүүрс буюу эрчим хүчний нүүрсийг багцлаад 50 гаруй ам.доллароор зарахаар тохирсон байна. Биржийн үнэ дунджаар 95 ам.доллар байхад нэг тонноос 40 ам.долларын алдагдалтай зарах, тэгэхээр 250 сая тонн нүүрснээс улсад 10 тэрбум ам.долларын алдагдалтай гэрээ байгуулсан гэж өнгөрсөн 9-р сард мэдээлсэн. 

Засгийн газрын өнөөдрийн хурлаар төрийн нууцад хамаарах уг мэдээллийг ил болгох тогтоолыг баталсан бөгөөд Л.Оюун-Эрдэнийн Засгийн газар Н.Энхбаяр Ерөнхийлөгчийн мэдээлснээр Монгол Улсад ашиггүй гэрээ хийсэн эсэх нь тодорхой болох юм.