Маргааш болох Палестиний орон нутгийн сонгуульд мянга гаруй эмэгтэй нэр дэвших гэнэ. Бүгдээрээ бие даан нэр дэвшиж буй эдгээр бүсгүйчүүдийг Майсун Кавасми хэмээх эмэгтэй удирдаж байгаа аж. Тэд “Сонгуульд оролцсоноороо бид ялж байна” гэсэн уриатайгаар нэр дэвшиж буй бөгөөд эртнээс нааш эмэгтэйчүүдийн улс төрийн албан тушаалд томилдоггүй байдлыг халахын тулд энэ том алхмыг хийжээ.
Майсун Кавасмиг анх нэр дэвшиж буйгаа зарлахад хүмүүс “Чи солиороо юу, юу хийгээд байгаа юм” хэмээн гайхширч, үл таашааж байсан ч түүний ярилцлагыг радиогоор нэвтрүүлсний дараа олон хүн дэмжиж байгаагаа илэрхийлжээ.