Москва хотын “Октябрьский” хоршооллын барилгын талбайд өнгөрсөн бямба гаригт “Шөнийн чононууд” болон “Гурван зам” хэмээх мотоциклчдын клубынхэн хоорондоо зодолдож буудалцсанаас нэг хүн нас барж, дөрвөн ч хүн шархадсан хэрэг гарчээ. “Зуны аяллын хугацаа дуусч байгааг тэмдэглэхээр төлөвлөж бид “Гурван зам”-ынхныг баяртаа урихаар очсон. Ер нь тэд бидэнтэй нэгдэхийг хэдийнээс хүсч бүр бидний бэлгэ тэмдгийг ч ашигладаг байсан” гэж “Шөнийн чононууд”-ын гишүүн Алексей Вайц хэлсэн байна. Харин зодоон юунаас болж гарсан тухай тэрээр юу ч хэлээгүй байна. Хэргийг хууль хяналтын байгууллага шалгаж эхэлжээ.