Өнөөдөр Энх тайвны өргөн чөлөө, Жуковын хөшөөний буцаж эргэдэг уулзвараас Кино үйлдвэрийн уулзвар хүртэлх хойд талын замыг нээнэ. Тус хэсгийн зам барилгын ажлыг энэ сарын 16-ны өдрөөс эхлэн Хөгжлийн банкны санхүүжилтээр он дамжуулан гүйцэтгэхээр “Ялгуусан” ХХК гэрээ байгуулан ажиллаж байгаа юм.  Одоогоор борооны ус зайлуулах шугам, цахилгаан ба холбооны сэтэлгээ, хоёр үе асфальт бетон хучилтын ажлыг хийгээд байна. Нийт 4.5 км уг зам Зүүн дөрвөн замын уулзвараас Офицеруудын ордон – Чулуун овоо – Тролейбусны эцсийн буудал хүрдэг юм.