Сирийн засгийн газар болон босогчдын талууд гал зогсоох хэлцэлд хүрч чадвал НҮБ энхийг сахиулагчдаа илгээхэд бэлэн байна гэж НҮБ-ын ерөнхий нарийн бичгийн даргын энхийг сахиулах ажиллагаа хариуцсан орлогч Эрве Ладсус мэдэгдсэн байна. Үүнтэй зэрэгцээд барууны хэвлэлүүд НҮБ-ын болон Арабын орнуудын лигийн тусгай төлөөлөгч Лахдар Брахими тус улсад байдлыг тогтворжуулах үүднээс энхийг сахиулах гурван мянган дайчин илгээхэд бэлэн болжээ гэсэн мэдээлэл цацаж байна. Энхийг сахиулагчдыг  Герман, Франц, Испани, Итали, Ирланд зэрэг европын төвийг сахьсан орнуудаас бүрдүүлнэ гэж “Интерфакс” агентлаг мэдээлжээ. Үүний өмнө сирийн босогчид аравдугаар сарын эцэс гэхэд галаа зогсооно гэсэн бол Засгийн газар энэ талаар яриа хэлэлцээ хийхэд бэлэн гэдгээ мэдэгдээд байгаа юм.