Гүржийн парламентын шинэ спикер Давид Усупашвили РИА Новости агентлагийн сурвалжлагчид яриа өгөхдөө парламент ерөнхийлөгч Михаил Саакашвилийн эрх барьж байх үед үйлдсэн гэмт хэргүүдийг мөрдөн шалгах комисс байгуулна гэсэн байна. Тэр “Удахгүй олон нийтэд ил болж дэлгэгдэх баримтуудаас хүчирхийлэл, авлига, улс төрийн гэмт хэргүүдийн тухай бид мэдэж авах болно. Гэхдээ бидэнд одоогоор ёстой л нарийнхан зөрөг шиг зам харагдаж байна. Бид үүнийг гэтэлж бүхнийг хийх болно” гэсэн байна. Юуны өмнө ерөнхий прокурорыг эхлээд томилно, тэгээд цагдаагийн байгууллагад өөрчлөлт хийнэ. Их ажил байна. Гэхдээ бид ямар ч байсан Тимошенког шоронд хорьсон Украины замаар явахгүй гэж тэр хэлжээ. Тэр бас хуучин дэглэмийн хэргийг мөрдөн шалгах ажлыг энэ ондоо багтаан дуусгана гэсэн байна.