Нийгмийн халамжийн үйлчилгээг зорилтот бүлэгт оновчтой хүргэх зорилгоор өрхийн амьжиргааны түвшинг тодорхойлох судалгаанд хамруулжээ. Үүний үр дүнд Хүн амын хөгжил нийгэм хамгааллын яамнаас 35 мянга орчим өрхийн 199 мянган хүнийг хүнсний талон хөтөлбөрт хамруулахаар болсон байна.
Үүнээс гадна Нийгмийн халамжийн тухай хуульд заасны дагуу өмнөх жилүүдийн адил ахмад настан болон хөгжлийн бэрхшээлтэй иргэдэд орон сууцны хөлс төлөх, түлээ нүүрс худалдан авахад зориулж жилд нэг удаа 140 мянган төгрөгийн мөнгөн тусламж үзүүлэх тухай салдбарын сайд хэллээ.