Британийн алдарт “Cadbury” шоколадны үйлдвэр 40 хэмийн халуунд гурван цаг хадгалахад хайлдаггүй, хатуу хэлбэрээ хадгаладаг шоколад гаргажээ. Компани энэхүү онцгой шоколадныхаа патентийг аль хэдийнэ аваад байгаа бөгөөд шоколаднаас эхлээд төрөл бүрийн амттан зарахад төвөгтэй Энэтхэг, Бразиль зэрэг халуун оронд худалдаанд гаргахаар төлөвлөж байна. Шоколадыг халуунд ч хайлдаггүй болгоход орц найрлага болоод хийх арга технологийг нь уламжлалт шоколаднаас бага зэрэг өөрчилсөн байна. “Dairy Milk” шоколадаараа алдартай “Cadbury” компанийг одоогоос хоёр жилийн өмнө Америкийн “Kraft” хүнсний групп 11,5 тэрбум фунт стерлингээр худалдан авсан билээ.