ОХУ-ын хилийн болон хуулийн байгууллагынхан монголын хилчдэд буудуулж шархадсан малын хулгайчаа гурван долоо хоног хайгаад олоогүй байна. Энэ сарын 4-ний өдөр Тувагийн хоёр иргэн монголоос мал хулгайлахаар хоёул мориор хил давж орж ирсэн юм байна. Монголын хилчид тэдний мөрийг олж хайсаар хилээс холгүй газар илрүүлж анхааруулах зорилгоор дээгүүр нь буудсан ч тэд шаардлагыг нь биелүүлэлгүй харин ч өөдөөс нь гал нээжээ. Хулгайчдын нэг нь шархдаж, морьдоо орхин нуугдсан байна.  Монголын хилчдийн нэг нь ч бас шархаджээ. ОХУ-ын хилийн болон дотоод хэргийн ажилтнууд шархадсан хулгайчийг өнөө болтол хайгаад олоогүй байна гэж РИА Новости агентлаг мэдээллээ.