Амьжиргааны түвшин, амьдралын хангамж нөхцлөөр дэлхийд тэргүүлдэг Сингапур орны иргэд хамгийн сэтгэл хөдлөлгүй хүмүүс болохыг “Gallup”-ын олон улсын судалгаа харуулжээ. Дэлхийн 148 оронд явуулсан санал асуулгад оролцсон Сингапурчуудын ердөө 36 хувь нь л өдөр тутмын амьдралдаа эерэг юм уу сөргөөр сэтгэл хөдөлгөх зүйлтэй учирдаг гэж хариулсан байна. Үүнээс бусад нь бол сайхан, муухай ямар ч зүйл тохиолдоод байдаггүй гэж хариулсан байх юм. Үүнээс харвал Сингапурчуудын олонх нь өдөр тутмын амьдралаа ямар нэгэн баясч баярлах, эсвэл уурлаж бухимдах зүйлгүйгээр нэгэн хэвийн өнгөрүүлдэг байх нь. Тэдэн шиг нэгэн хэвийн өдрүүд үргэлжилдэг, сэтгэл хөдлөл багатай хүмүүсийн тоонд хуучин Зөвлөлтийн бүрэлдэхүүнд багтаж байсан зүүн Евроын долоон улс багттсан байна. Тэгвэл хамгийн их сэтгэл хөдлөлтэй хүмүүс Америк, Коста Рика, Перу, Канад, Филиппинд амьдардаг байна.  Филиппинчүүдийн 60 хувь нь гэхэд ямар нэгэн сэтгэл хөдөлгөх зүйлтэй өдөр тутам учирдаг хэмээн хариулжээ.  
Харин хамгийн сөрөг зүйлтэй тулгарч, зовлон гунигт автдаг улсуудын тоонд Ирак, Палестин зэрэг дэлхийн халуун цэг, мөргөлдөөнтэй бүс нутагт амьдарч буй иргэд багтжээ.