Америкийн  “Онион” буюу “Сонгино” хэмээх хошин сайтад Умард Солонгосын удирдагч Ким Чен Уныг “Хамгийн дур булаам эрэгтэй” хэмээн нэрлэснийг Хятадын төв хэвлэл “People’s Daily” сонины цахим хувилбар тааламжтай хүлээн авч нийтэлсэн байна. “Хүүхдийнх шиг сайхан дугираг царайтай, хүчирхэг, чанга төрхтэй, Пеньянд төрж өссөн энэ эр зүгээр л бүх хүүхнүүдийн мөрөөдөл”  гэж “Онион” сайтад бичсэнийг Хятадын хэвлэл авч нийтэлжээ. Сонин бас хошин сайтын редакторын “Ким Чен Ун эр хүний эрэмгий байдал, сэтгэл булаам төрх хоёрыг хослуулж чадсан ховорхон эр” гэснийг ишилж авчээ.
Хятадын төв хэвлэл бас умардын удирдагчийн энэ төрхийг илтгэсэн 55 зургийг нийтэлсэн байна.
Мэдээж Хятадын энэ хэвлэл Америкийн сайтаас ишилж авсан ч энэ хошин зүйрлэл нь Умард Солонгосын удирдагчид таалагдахгүй нь ойлгомжтой.