Нийслэлийн жижиг, дунд үйлдвэрлэлийг дэмжих төв,  НИТХ-ын ажлын албаны Иргэний оролцооны хэлтэс хамтран “Гэр ажлын байр мөн үү” сэдэвт нээлттэй хэлэлцүүлгийг ирэх сарын 7-нд зохион байгуулахаар болжээ. Нийслэлийн “Иргэний танхим”-д болох энэхүү хэлэлцүүлэг нь жижиг, дунд болон өрхийн үйлдвэрлэл эрхлэгчдийн тулгамдсан  асуудал, тэдний өсч хөгжих боломж, төрөөс ямар дэмжлэг үзүүлэх шаардлагатайг судлах зорилготой. Хэлэлцүүлэгт нийслэлийн удирдлага, холбогдох албан тушаалтнууд оролцохоос гадна иргэд үзэл бодлоо хэлэх боломжтой юм байна.