Нэгэн он шувтрахад улирч буй оныхоо хамгийн шилдэг, хамгийн онцгой бүхнийг нэрлэдэг заншилтай. Бараг хэвлэл бүхэн л хамгийн онцлох, хамгийн нөлөөтэй хүчирхэг хүмүүсийг нэрлэдэг бол АНУ-ын эрчүүдийн GQ сэтгүүл 2012 оны хамгийн нөлөөгүй хүмүүсийг нэрлэжээ. Сонирхолтой нь, энэ жагсаалтад тэргүүн хатагтай Мишель Обама, Ерөнхийлөгчийн сонгуульд өрсөлдөөд ялагдсан Митт Ромни, дуучин Мадонна нар орсон байна.
АНУ-ын тэргүүн хатагтай Мишель Обама  эрүүл хооллох, хүнсний шинэ ногоо хэрэглэх санаачилга гарган бүр ном хэвлүүлсэн  атлаа өөрийнхөө жинг нэг ч кг-аар хасч чадаагүй гэж хэвлэлийнхэн үзэж бүтэлгүй хүнд өргөмжилжээ.
Бүгд Найрамдах намаас  Ерөнхийлөгчид нэр дэвшиж өрсөлдсөн Митт Ромнигийн хувьд цагаан арьстан атлаа өнгөт арьстанд ялагдсан нь энэ жагсаалтад орох гол үндэслэл байж. Харин дуучин Мадоннаг хуучин  альбомоо л дуулж байгаа, тэгээд ч хөгжим, хувцсандаа муу анхаардаг гээд “Ард чинь таван минут тутамд гадаад төрхөө өөрчилдөг 800 дуучин байгаа шүү” гэж анхааруулжээ.