ОХУ-ын эрүүл ахуй бүтээгдэхүүн худалдаалдаг нэгэн компани арванхоёрдугаар сарын 21-нд тохионо гээд байгаа “Ертөнцийн төгсгөл” гэсэн цуу яриаг овжин ашиглахаар шийджээ. Тус компанийн менежерүүд диваажин, тамд очих билет борлуулж эхэлсэн байна. Тухайлбал тамд очих тасалбар дээр нь “Эрхэм найз нараа. Ертөнцийн төгсгөл болохтой холбогдуулан манай компани танд маш том боломж олгож байна. Та хэрэв диваажинд очвол үнэхээр тансаг байх болно. Харин тамд очих тасалбар авбал танд тусгай бэлэг урамшуулал амлаж байна” гэжээ. Тасалбарыг худалдааны цэгүүдээр, бас интернетээр худалдаалж эхэлжээ.
Үнэн хэрэгтээ там диваажингийн тасалбар гээд байгаа нь энэ компаний борлуулдаг бүтээгдэхүүний хямдралын урамшуулал юм байна. Хэрэв ертөнцийн төгсгөл болохгүй бол тухайн хүн тасалбараа авч очоод хүссэн бараа бүтээгдэхүүнээ 15 хувь хямд үнээр авч болох гэнэ.