“Ертөнцийн төгсгөл”-ийг үзэх гэсэн жуулчид майяачуудын эх орон Гватемалыг дараад байна. Эндэхийн эрх баригчдын тооцоолсноор лавтай 200 мянга орчим жуулчин арван хоёрдугаарын 21 гэхэд энд очих бололтой. Гватемалд майяачуудын түүх соёлтой холбоотой 13 мянга орчим дурсгал, археологийн олдвор байдаг байна. Одоо энэ бүс нутагт байдаг газруудад зочид буудал олоход ихээхэн бэрх болоод байгаа гэнэ. “Ертөнцийн төгсгөл”-д зориулсан  ёслолын ажиллагааг хүссэн хүн бүрт үзүүлэхийн тулд эрх баригчид телевизээр шууд дамжуулах болжээ.
Майяачуудын хуанлигаар манай эрины өмнөх 3114 онд эхэлсэн Нарны тав дахь эрин энэ арванхоёрдугаар сарын 21-нд дуусах юм. Гэхдээ эрдэмтэд энэ бол нэг их ач холбогдолтой зүйл биш гэж байгаа юм.