Өчигдөр Чехийн Пардубиц хотоос Москвагийн “Внуково” нисэх буудалд буух гэж байсан ТУ-204-100 онгоц буух зурвасаас гарчавто зам руу орон шатсан байна. Онгоцны баруун хөдөлгүүр шатаж эхэлсэн ч тэр дор нь унтрааж чаджээ. Онгоцонд нисэх багийнхтай нийлээд 12 хүн зорчиж явсан байна. Таван хүн бэртэж гэмтэн хүнд байдалтай эмнэлэгт очсон гэж эхлээд мэдээлж байсан ч одоо дөрвөн хүн нас барсан гэж байна. Азаар авто замаар машин цөөн байсан болохор зам дээр ямар нэгэн хүн бэртэж гэмтээгүй гэж мэдээллээ. Осол болсон газарт онцгой байдлын 36 нэгж техник, 144 ажилтан ажиллаж байна.