Охинтой нь гэрлэсэн хүнд 100 сая шахам ам.доллар, тансаг амьдрал бэлэглэнэ гэж зарлаад байгаа Хонконгийн тэрбумтан  хүргэн олох ажлаа идэвхжүүлэхийн тулд тэднийг ямар гэр орон хүлээж байгааг хэвлэлээр харуулжээ.
Одоо 76 настай тэрбумтан Сесил Чао 33 настай охиноо хадамд гаргаж, үр хүүхэдтэй болгох туйлын хүсэлтэй байгаа юм. Харамсалтай нь, түүний охин ижил хүйстэн бөгөөд долоон жил шахам хайр сэтгэлийн холбоотой байгаа Шон Иен хэмээх эмэгтэйтэй хамтран амьдрахаар хууль ёсоор батлуулчихсан байгаа юм. Нэгэн цагт плэйбой амьдралаар Хонконгод алдартай байсан тэрбумтан охиныхоо хүсэл сонирхлыг үл харгалзан, хүний ёсоор гэрлүүлэхээр шийдсэн. Гэвч ижил хүйстэн эмэгтэйг жирийн нэг эмэгтэй болгож, үр хүүхдийн ээж болгоно гэдэг ямар ч эрийн хувьд бэрх даваа байх учир хараахан тэрбумтныд хүргэн орж, хөрөнгөнд нь эзэн суух хүн олдохгүй байгаа аж. Гэхдээ Сесил Чао зорилгоосоо ухралгүй охиныхоо суудаг дөрвөн давхар дээд зэрэглэлийн харшийн зургийг нийтэд дэлгэжээ.
Охин нь аавынхаа энэ хүслийг төдий л эсэргүүцэхгүй байгаа бөгөөд охиноо жаргалтай байлгах гэж л хичээж байгаа хэмээн ойлгож, ирээдүйн нөхрөө хүлээж байгаа гэнэ.