Их британид цагаачлалын хуулийг өөрчилсний дараа гэрийн зарцын тоо эрс нэмэгджээ. Шинэ хуулиар бол ажил олгогч нь визийг нь өөрчлөх хүсэлт гаргаж, үйлчлэгчээр авна гэсэн тохиолдолд тус улсад оруулдаг болсон юм байна. Ингэснээр гэрийн зарц, үйлчлэгчид ялангуяа эмэгтэйчүүд тус улсаас хөөгдөхөөсөө айгаад хямд хөлсөөр зарцлагддаг боллоо гэж Independent сонин бичжээ. Энэ нь тэднийг сэтгэлзүйн болон биеийн хүчний дарамтад оруулж, зодуур, тэр байтугай бэлгийн хүчирхийллийг ч чимээгүй өнгөрөөж тэсвэрлэхэд хүргэдэг гэжээ. Гэрийн үйлчлэгч, зарц нар бүтэн жил гэрээс гарахгүй, ямра ч хөлс хүчгүй ажилладаг жишээ олон гэнэ. Хүмүүнлэгийн байгууллагын мэдээллээр бол хуулийг өөрчилснөөс хойш сүүлийн хагас жилд ийм хохирлын тоо 20 хувиар өсчээ.
Олон улсын хөдөлмөрийн байгууллагын тооцоогоор дэлхийдээр өнөөдөр 52 сая хүн, үүний 83 хувь нь эмэгтэйчүүд зарцын хөдөлмөр эрхэлж байгаа гэнэ. Тэдний сайндаа л 10 хувь нь өөрийнхөө хүний эрхийг эдэлдэг гэжээ.