Германы хөдөлмөрийн бирж ажил хайж хандсан 19 настай охинд биеэ үнэлэгчийн ажил санал болгож, цочирдуулжээ. Бавари мужийн Огсбургт амьдардаг охин гэрийн үйлчлэгчийн ажил хайж хөдөлмөрийн биржид хандсан аж. Гэтэл хөдөлмөрийн биржээс түүний хүсэлтэд хариу захидал ирүүлэхдээ эмсийн хүрээлэнд ажиллаж болох юм гэсэн байна. Ийм захидал хүлээж аваад цочирдож уурласан охины ээж хөдөлмөрийн биржтэй эргэн холбогдоход албан хүн нь “Бид захидал илгээхээс өмнө охиноос өөрөөс нь асуух хэрэгтэй байжээ” гэж хариулжээ.
Германд биеэ үнэлэхийг хууль бус хэмээн үздэггүй юм.