Манай гаригийн долоон тэрбум хүний нэг тэрбум нь ядуусын хороололд, хоногийн хоол залгах төдий туйлын ядуу амьдарч байна. Шинжээчдийн үзэж байгаагаар бол энэ тоо 2030 он гэхэд хоёр дахин өсч магадгүй гэнэ. Ядуусын хороолол том хот бүхэнд хүрээгээ тэлж нийгмийн ямар ч хамгаалалгүй, маш ядуу хүмүүс, гэр бүлээр хүрээгээ тэлсээр байгаа юм. Ийм амьдрал Африкийн орнуудад бүр түгээмлэ. Азийн орнуудаас Энэтхэгт ядуусын хорооллын оршин суугчийн тоо 93 саяар тоологдож байна. Нью Делигийн хүн амын 50, Мумбайн хүн амын 60 хувь нь ядуусан хороололд амьдарч байна. Хоол унд, хувцасгүйн зэрэгцээ төрөөс газар чөлөөлөхөөр тэднийг нүүлгэн шилжүүлэх гээд тэдэнд зовлон мундахгүй. Дээр нь үер, гал усны зовлон байнга дайрна.