Олон нийтийн газарт тамхи татахыг хориглосон хуулинд Оросын Ерөнхийлөгч В.Путин гарын үсэг зурлаа. Шинэ хуулиар зоогийн газар, хол зайд галт тэргээр зорчих үед болон орон сууцны орцонд тамхи татахыг хоригложээ.
Орост арван хүн тутмын дөрөв нь тамхи татдаг гэсэн тоо бий бөгөөд тамхичдынхаа тоогоор дэлхийд тэргүүлэгчдийн нэг юм.  Иргэдээ дам тамхидалтаас хамгаалах зорилготой энэхүү хууль өнгөрсөн хоёрдугаар сард парламентаар батлагдсан юм. Хууль ирэх долдугаар сарын 1-нээс хэрэгжиж эхлэх үед галт тэрэгний буудал, нисэх буудалд, метро, боомт, ажлын байр, орон сууцны барилга, хүүхдийн тоглоомын талбай, далайн эргээс 15 м дотогш тамхи татах нь хориотой болж байгаа юм. Шинэ хууль тамхины үнэд ч бас нөлөөлж, хамгийн хямд дотоодын тамхи гэхэд нэг хайрцаг нь  11 рубль, импортынх нь 48 рубльд хүрэхээр байна.