“Ямаха” компанийн “Disklavier” нэртэй энэхүү төгөлдөр хуур нь хамгийн дээд зэрэглэлийн, дэвшилтэт технологи бүхий төгөлдөр хуур гэнэ. “Wi-Fi” утасгүй технологийн ачаар “midi” өргөтгөлтэй өгөгдлийг татаж авах бөгөөд ая, дуу тоглуулах түүнчлэн өөрийн тоглож буй аяыг вокаль болон бусад хөгжмийн зэмсгийн дуугаралтын хамт хурааж авч болох гэнэ.
Харин хурааж авсан бичлэгүүд төгөлдөр хуурын  80 GB-ийн хатуу дискэнд хадгалагдах ажээ. Хэрэглэгч өөрөө хүсвэл уг бичлэгүүдээ USB оролтоор дамжуулан компьютерт хуулах боломжтой юм байна. Энэхүү гайхалтай төгөлдөр хуурын бас нэгэн давуу тал нь телевизорт холбосноор тоглож буй дууныхаа үгийг харж, дуулж болох гэнэ.