Энэтхэгт 23 настай оюутан бүсгүйг автобусанд хүчирхийлж доромжилсны дараа бүсгүй эмчлүүлж байгаад нас барсан. Энэ хэрэгт таван хүнийг сэжиглэн баривчилсны нэг автобусны жолооч залуу өнөөдөр өглөө шоронгийн камерт өөрийгөө боомилж нас барсан байсныг илрүүлжээ. Өөрийнхөө хувцасаар дүүжлүүр хийсэн түүнийг шоронгийн хянагч аврахаар оролдсон ч амжаагүй гэж зарим хэвлэл мэдээлж байна. Сэжигтэн Сингхийн өмгөөлөгчийн хэлснээр бол түүний ингэж амиа хорлоход хүрсэн нь цагдаагийн байгууллагын үйл ажиллагаатай холбоотой гэнэ. Насанд хүрээгүй дөрвөн ч хүүхдийг хулгайлж хүчирхийлэн, амийг нь хөнөөсөн хэрэгт сэжиглэгдэж байсан Рам Сингхийн хувьд тэртэй тэргүй цаазаар авах ял нүүрлээд байсан юм.