Женевт болж байгаа олон улсын авто салон манай гаригийн авто машины зах зээлд олон олон шинэ сюрприз барьж байгаагийн нэг нь Rinspeed компанийн үйлдвэрлэсэн цахилгаанаар явдаг  мини автобус microMAX.

3,7 метрийн урт энэ автобус 2,2 метр өндөртэй болохоор сууж ч явж болно, зогсоод ч зорчиж болно. Энэ бичил автобус бараг л явдаг зочид буудал гэж болмоор. Таван зорчигч явах салонд нь  хөргөгч, кофе буцалгагч, зорчигч тус бүрт зориулсан бичил дэлгэц бүхий компьютер бий.

Гэхдээ үйлдвэрлэгчид салоныг гурван ч янзаар өөрчлөн тоноглож болно, үүнээсээ шалтгаалаад нэг ийм цахилгаан машин 5-10 мянган еврогийн үнэтэй гарна гэж тооцоолж байгаа юм байна.