Нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл өөрийн хариуцсан агентлаг болох Нийслэлийн Аялал Жуулчлалын газрын ажил байдалтай танилцлаа. Энэ үеэр НАЖГ-ын дарга Э.Баттулга томилогсоноосоо хойш хийсэн зарим ажлууд болоод тус салбарын өнөөгийн байдал, цаашид хийх ажлууд, тулгамдаж буй асуудлуудаа танилцуулж, удирдамж чиглэл авсан юм. НЗД-ын нийгмийн хөгжлийн асуудал хариуцсан орлогч Ц.Энхцэнгэл тус газрын удирдлага, мэргэжилтэнүүдэд хандан хэлэхдээ “НАЖГ шинэ удирдлага, шинэлэг сэтгэлгээгээр багагүй ажил амжуулж, цаашдын зорилт, стратеги төлөвлөгөөгөө тодорхой болгосонд сайшаалтай байна” гэв. Түүнчлэн цаашид Нийслэлийн Соёл Урлагын Газартай хамтран багц үйлчилгээг жуулчидад санал болгох, жуулчдын хүнсний болон бусад аюулгүй байдал, үйлчилгээний газруудын чанарыг сайжруулах тал дээр анхаарч ажиллахыг НАЖГ-ын удирдлага, мэргэжилтнүүдэд сануулав.