Дуучин Майкл Бублегийн гэргий ирэх наймдугаар сард амаржих гэж буй. Хос хоёрын анхны хүүхэд хүү байх гэнэ. Тэд хүүхэдтэй болсноо нуулгүй зарласан шигээ хүүхдийнхээ хүйсийг ч фэнүүдээсээ нууцалсангүй. Майкл Бубле бие давхар эхнэрээ амрааж, Майамигийн далайн эрэгт хэд хоногийг өнгөөрч байгаа аж. Далайн эргийн элсэн дээр хөл нүцгэн алхсан хос амарч суух зуур Бубле хайртай эхнэрийнхээ хөлд наалдсан элсийг унагаж өгч байгаа нь паппарацын дуранд өртөж, халамжтай нөхөр гэдгээ харуулжээ. Тэрээр аав болох гэж байгаа тухайгаа нэгэн телевизэд ярихдаа “Би эхнэртээ урьд урьдынхаас илүү хайртай болсоор байгаа. Аав болох өдрөө тэсэн ядан хүлээж байна. Шөнө босч хуурайлах, живхийг нь солихдоо хүртэл бэлтгэж байгаа” хэмээн ярьжээ.