Умард Солонгосын үндэсний телевизээр “Капиталист нийгмийн эмгэнэлт бодит байдал” гэсэн нэвтрүүлэг гарч барууны орнуудад хүмүүс хэрхэн өлсч байгаа, нийгмийн өөр бусад бэрхшээл ямар байдгийг харуулсан байна.
Нэвтрүүлэгт гудамжинд хэвтэж байгаа орон гэргүй хүмүүс, хүнсний зүйлд дугаарласан хүмүүс, хээрийн гал тогоо, бохир гудамж зэргийн дүрс ашиглажээ. Харин хоёрдугаар хэсэг нь АНУ дахь зэвсгийн чөлөөт худалдаа, үүнийг дагасан хүчирхийлэл, сөрөг зүйлсийн тухай яриагаар үргэлжилж байна. Энд мэдээж зэвсгийн дэлгүүрүүд, “Сэнди Хук” сургуульд болсон эмгэнэлт хэргийн дүрсийг ашиглажээ.
Нэвтрүүлэг бүхэлдээ барууны орнууд бол ядуурал, хүчирхийлэлд идэгдсэн байхад Умард Солонгос дэргэд нь тэгш эрх, сайн сайхан бүхэн цогцолсон орон гэдгийг харуулжээ. Умардынхны бэлтгэсэн энэ нэвтрүүлгйг Youtube сайтад бас тавьсан байна.
Үүний өмнө Умард Солонгосын телевиз АНУ-ын Нью-Йорк хотод цөмийн бөмбөг дэлбэрсний дараа ямар байгааг харуулсан ролик үзүүүлж байсан юм.