АНУ-ын Индиана мужийн Саус-Бенд хотын нисэх буудлаас холгүй газарт орон сууцны байшин дээр “Beechcraft Premiere 1” нисэх онгоц унаж хоёр хүн амь үрэгдсэн байна. Талс хотоос Оклахома руу нисч явсан дөрвөн зорчигчтой онгоц буудалд буух гэж байснаа чадалгүй дахин өндөр аваад эргэж буух гэж оролдох үедээ ийн байшин дээр унажээ. Хувийн энэ онгоцыг эзэмшдэг компанийн захирал бас энд зорчиж явсан гэнэ. Нас барсан хүмүүсээс гадна гурван ч хүн бэртэж гэмтсэнийг эмнэлэгт хүргэж, ойр орчмын 200 гаруй хүнийг шатахуун дэлбэрэх аюулаас зайлуулж нүүлгэн шилжүүлсэн байна.