Холливудын од Том Крузтэй зургаан жил амьдарсны эцэст хоёр тийшээ болсон жүжигчин Кэти Холмес амьдралдаа эргэлт хийхээр шийдсэн бололтой. Тэрээр өсвөр наснаасаа л жүжиглэж эхэлсэн боловч одоо мэргэжлээ солих талаар бодолцож байгаа гэнэ. Гэхдээ бүр хуульчаар ажиллах бодолтой байгаа аж. Тэрээр “Allure” сэтгүүлд өгсөн ярилцлагадаа  хуульч болох гэж байгаа тухай цуу яриа хэр үнэний ортой болохыг асуусан асуултад “Аав, ах хоёр маань хуульч. Тийм учраас би хуульч болж яагаад болохгүй гэж” хариулсан байна. 34 настай жүжигчин бүсгүй Нотре Дамын академийг 4,0 голч оноотой төгссөн, Колумбиагийн их сургуульд суралцах урилга авч байсан сурлага сайтай охин байсан юм. Тийм ч учраас хуулийн чиглэлээр суралцаж, огт өөр салбарт хүч үзэхэд чадахгүй гэх зүйл байхгүй гэж шар хэвлэлүүд шуугьж байна.