“Hangover” киноны жүжигчин Брэдли Купер Английн загвар өмсөгч Суки Уотерхаустай болздог болсон гэнэ. Киноны ажлаар Бостонд түр ирээд байгаа Брэдли Купертэй уулзахаар Суки ирсэн бөгөөд хамтдаа гадуур зугаалж байгаад гэрэл зургийн дуранд өртсөн байна. Тэд сар гаруй өмнө ELLE сэтгүүлийн зохион байгуулсан нэгэн үдэшлэгийн үеэр дотно танилцаж, хамтдаа нэг машинд сууж явснаар хэвлэлийнхний анхааралд өртсөн юм. “Тэр үеэс хойш тэд байнга утсаар харилцаж, мессэж бичих болсон. Брэдли Купер Сукиг Америкт зочилж ирэхийг байнга урих болсон” хэмээн загвар өмсөгчийн нэгэн найз нь хэвлэлд ярьжээ.
Брэдли Куперийг өнгөрсөн онд хамтран тоглосон “Silver Linings Playbook” киноны жүжигчин Женнифер Лоренстой нэр холбох явдал сүүлийн хэдэн сарын турш хэвлэлээс салаагүй ч тэрээр үүнийг үгүйсгэж,  “Би түүний аав байхаар насны хүн” хэмээн мэдэгдэж байсан билээ. Гэвч түүний болздог болсон Сукигийн хувьд Женнифер Лоренсоос бүр хоёр насаар дүү буюу 20-той юм. Харин Брэдли Купер өөрөө 38-тай билээ.