Унгарын Засгийн газрын томоохон албан тушаалтны компьютерээс илэрсэн тагнуулын программ буюу вирусыг Будапештын техникийн их сургуулийн эрдэмтэд ба "Касперский" компанийн мэргэжилтнүүд Унгар улсын аюулгүй албаны захиалгаар хамтран судалсан байна. Ингэхэд “TeamSpy” нэртэй вирусийн тусламжтайгаар хэн болох нь тогтоогдоогүй хакерууд зөвхөн Унгарын гэлтгүй өөр олон улсын томоохон албан тушаалтнуудын вирусээс илрээд байжээ. Тухайлбал, энэ вирусыг ОХУ-д суугаа НАТО ба Европын холбооны төлөөллийн газрын компьютерээс илрүүлсэн байна. Мөн Ойрхи Дорнодод үйл ажиллагаа явуулдаг электрон барааны том компани, Оросын томоохон үйлдвэрийн компьютерүүдээс илрүүлжээ.
Сүүлийн хэдэн сарын дотор энэ мэтээр төрийн том албан тушаалтнууд, бизнесийн нөлөө бүхий байгууллагуудын компьютер, мэдээллийн санд нууцаар нэвтрэх, хийж байгаа үйлдлийг нь өдөр болгон далдаас хянаж байсан тохиолдол олноор илрээд байгаа билээ.