Германы Бад Раппенау, Зинсхайм хотын хоорондох авто зам дээр  жолоочгүй ачааны машин 10 км газар давхисан байна. Орон нутгийн цагдаагийн  газрын мэдээгээр бол Чехээс ирж явсан жолооч замдаа ухаан алдахад 40 тонны ачааны машин чиглэл заасан хяналтын системээр ажиллан хөдөлгөөнөө үргэлжлүүлсэн байна. Цагдаагийнхан хэд хэдэн удаа тааралдаж анхааруулах дохио өгсөн ч машин зогсолгүй явсаар замын хязгаар шугамыг ч хэд хэд давах шахсан байна. Азаар энэ хугацаанд хэн ч нэрвэгдээгүй, машин 10 км яваад зогсчээ. Жолоочийг эмнэлэгт хүргэсэн байна.