Берлинээс ирж байсан МИАТ компанийн ОМ136 чиглэлийн онгоцны дугуй хагарснаас  Москвад саатжээ. Гуравдугаар сарын 24-нд Берлинээс хөөрсөн онгцонд зорчиж явсан 120 гаруй зорчигч Москва хотын Шеремьетево нисэх буудалд гацсан байна.
Онгоц саатсан талаар МИАТ компанийн хэвлэлийн төлөөлөгч албан ёсны мэдээлэл өгсөнгүй. Харин тус компанийн лавлах утаснаас тодруулахад, “ОМ136 нислэгийн  онгоцны нэг дугуй нь хагарсан. Москвад саатаад 10 цаг болж байна. Онгоцны гэмтлийг засахаар эндээс “Аэрофлот”-ын онгоцоор дугуй бусад сэлбэг хэрэгсэл  явуулсан. Москвад очмогц дугуйгаа солиод, гурван цаг орчмын дараа Москвагаас гарах байх” гэлээ.