Япон улс нийслэл Токиогийн төв дэх БХЯ-ны хашаанд пуужин эсэргүүцэх шинэ загварын “Пэтриот” комплекс байрлуулсан байна. Хэд хэдэн эх сурвалж Умард Солонгос дөрөвдүгээр сарын 10-нд балластик пуужин хөөргөнө гээд байгаагаас эзэн хааны ордон, Засгийн газрын байгууллагуудыг хамгаалах зорилгоор ийм арга хэмжээ авч байгаа юм байна. Өөр бас хоёр ч ийм төхөөргийг ойрын үед нийслэлээс зүүн хойд зүгт байдаг Нарасино хот, цэргийн Асака баазад тус тус байрлуулах гэнэ.

Үүний өмнө японы тэнгисийн цэргийн хүчний зенитийн пуужингаар зэвсэглэсэн байлдааны хоёр хөлөг япон тэнгист гараад жижүүрлэж байгаа юм. Хэрэв Умард Солонгосын зүгээс Японы аюулгүй байдалд халдаж пуужингаар харвавал устгах тушаалыг энэ хөлгүүдэд Японы Батлан хамгаалахын сайд Ицунори Онодэра өнгөрсөн ням гарагт өгсөн юм.
Пеньян харин пуужин харвах төлөвлөгөөгөө албан ёсоор зарлаагүй байна. Ганцхан өнгөрсөн долоо хоногт авсан сансрын тагнуулын мэдээгээр Умард Солонгосын зүүн хойд эрэг орчим дахь төмөр замаар балластик пуужин байж болох ачаа тээвэрлэж байгаа нь тодорхой болсон юм.