Германы нийслэл Берлинд болсон тавдугаар сарын 1-ний хувьсгалчдын жагсаал үймээн болж хувиран цагдаа нартай мөргөлдсөнөөр дуусчээ. Зүүний хүчнийхний зохион байгуулсан энэ жагсаалд 9,0 мянган хүн оролцсон байна. Эдний  олонхи нь нүүрээ халхалсан маск зүүсэн байжээ. Тэд хотын төвөөр явж засгийн газрын байр луу чиглэн хууль сахиулагчид руу чулуу, мод шидэж цонх шил хагалсан байна. Цагдаа нар усаар шүршиж, нулимс асгаруулагч хий хэрэглэхэд хүрсэн байна. Гамбургт ч бас “Ажилчин ангид төрөлх эх орон гэж үгүй” уриатай  жагсаал болж цагдаагийнхан руу дайрч хэд хэдэн цагдааг гэмтээснээр хууль сахиулагчид нулимс асгаруулагч, усаар шүршиж найман хүнийг саатуулжээ.