Шинэ Зеландын эрх баригчид хүүхдэд өгөхийг хориглосон нэрийн жагсаалт гаргажээ. Энэ жагсаалтад 77 нэр багтсан бөгөөд тэднийг Шинэ Зеландын Дотоод хэргийн яам нь хүүхдийн сэтгэхүйг гэмтээж болзошгүй хэт хачин гэж үзжээ. Нэрсийн заримаас нь дурдвал “V8” /найман цилиндртэй моторын тэмдэглэгээ/, “Анал”, “.”, “4Real” /Жинхнээсээ/, ““), “Mafia No Fear” /Мафи аймшигтай биш/ гэх мэт зөөлөн хэлэхэд хачин нэрс багтжээ. Шинэ Зеландын олон хүүхэдтэй айлууд хүүхдүүдээ  2nd /хоёрдугаар/, 3rd /гуравдугаар/  5th /тавдугаар/ гэх мэт нэр өгөх гэж оролдоод бүтэлгүйтсэн байх юм. Мөн хүүхдэд өгч байгаа нэрэнд хүндэт цол, тушаалын нэр оруулахыг хориглож. Тэгэхээр Шинэ Зеландад хүүхдэдээ хаан, гүнжтэй нэр өгч болохоо больсон байна.

Хүүхдэдээ өгөх гээд хамгийн олон удаа бүтэлгүйтсэн нэр нь “Justice” буюу “шударга ёс” гэсэн нэр байжээ. Энэ нэрийг эцэг эхчүүд хүүхдэдээ өгөх гэж 62 удаа оролдоод албан тушаалтнууд ийм нэрээр хүүхдийг бүртгэхгүй гэж татгалзсан учир больсон юм байна.

Халамжийн байгууллагууд хүүхдэд өмнө нь өгөөд байсан нэрийг өөрчлөх болсонтой холбоотойгоор удаа дараалан шүүх ажиллагаа болсны дараа ийн жагсаалт гаргажээ. 2008 онд “Talula Does The Hula From Hawaii” буюу “Талула гавайн хула бүжиглэв” гэсэн урт нэртэй охинд өөр богино нэр өгүүлж байжээ. Хамгийн хачин нэрний тухайд нэг хосууд хүүхдээ “Number 16 Bus Shelter” буюу “Автобусны 16 дугаар чиглэлийн зогсоол” гэж нэрлэх гэж оролдсон байдаг аж.