Аргентинд явагдаж буй хот хоорондын автобусны жолооч нарын ажил хаялтаас болж өдөр тутмынх нь амьдрал нь хямралд ороод байгаа хүний тоо 350 мянгад хүрсэн байна. Энэ талаар ажил хаялтыг зохион байгуулсан үйлдвэрчний эвлэлийн төлөөлөгчид мэдэгджээ. Автобусны жолооч нарын үйлдвэрчний эвлэл нь Засгийн газраас жолооч нарын цалинг нэмэгдүүлэх, хална гэж сүрдүүлэхээ зогсоохыг шаардан ажил хаялт зарлаад байгаа юм. Харин Засгийн газар нь энэхүү ажил хаялтыг үйлдвэрчний эвлэл ба төрөөс нөхөн олговор авах санаархалтай оператор компаниудын хуйвалдаан гэж үзэж буй. Иймээс эхний ээлжинд 130 оператор компанийг зохих ёсны үйлчилгээ үзүүлсэнгүй гэж торгожээ.
Хот хоорондын болон улс хоорондын автобусны үйлчилгээ нь дийлэнх аргентинчуудын хувьд хол зайд шилжин хөдлөх тээврийн гол хэрэгсэл юм. Аргентинд дотоодын агаарын ба төмөр замын тээвэр нь сул хөгжсөн болохоор дотоодын тээврийн 90 хувийг автобусны компаниуд хангадаг аж. Эдгээр автобусны компаниуд нь зөвхөн дотоодын төдийгүй хил залгаа орнууд руу тээвэр гүйцэтгэдэг. Аргентины автобусны компаниуд жилдээ 64 сая хүн зөөдөг.  Ажил хаялтаас болж гацсан зарим хүн тав дахь өдрөө хот хоорондын зогсоол дээр хүлээж байгаа юм.