Монгол Улсын Ерөнхийлөгчийн зарлигаар жил бүр бүх нийтээр мод тарих өдрийг тэмдэглэн өнгөрөөдөг билээ. Дөрөв дэх жилдээ зохион байгуулагдаж байгаа энэхүү өдрийн хүрээнд залуучуудаа уриалж МЗХ-ны удирдлагууд, гүйцэтгэх хорооны мэргэжилтнүүд болон хороод, зөвлөлийнхөн маргааш өглөө Төв аймгийн Эрдэнэ суманд очиж мод тарихаар болжээ. Мөн үүний зэрэгцээ тэд Эрдэнэ сумын МСҮТ-д Залуучуудын зөвлөл байгуулах, сумын иргэд залуучуудтай уулзалт хийж, спортын нөхөрсөг тэмцээнийг ч зохион байгуулах гэнэ.