Өвөрхангай аймгийн Гэмт хэргээс урьдчилан сэргийлэх ажлыг зохицуулах салбар зөвлөл, аймгийн цагдаагийн газар хамтран “Хөдөлгөөний аюулгүй байдлын эсрэг гэмт хэрэг зөрчлийн өнөөгийн байдал, цаашид хэрэгжүүлэх арга хэмжээ” бүсийн зөвлөгөөнийг зохион байгуулжээ.
Зөвлөгөөнд ЗЦГ, Архангай, Баянхонгор, Булган, Төв, Дундговь, Өмнөговь аймгийн ГХУССАЗЗ, цагдаагийн газар, хэлтсийн дарга, замын цагдаагийн байцаагчид болон замын засвар, арчилгаа хариуцсан компанийн инженер ажилтнууд оролцов.
Зөвлөгөөнөөр орон нутгийн замд гарч буй зам тээврийн осол, хэргийн шалтгаан нөхцөл, түүнээс урьдчилан сэргийлэх тухай хэлэлцэж, түүнийг бууруулах талаар тодорхой санал гаргаж Засгийн газарт хүргүүлж, аймаг, орон нутгийн  мэргэжлийн байгууллагууд  хамтран ажиллахаар болов.